BANI NAYI KAINA BA - Hausa Novels

🔥 *BANI NAYI KAINA BA* 🔥

 

Bismillahi rahmanir rahim.

****** ******* *******

Kwance take kan makeken royal bed dinta tana juyi. Ya illahi wannan wani irin rayuwa ce ashe wai mutum har ya kai ya isa ya kushe halittar Allah wannan zamani ya kai har mutum zai kalli dan uwanshi mutum yace kai wannan akwai muni subhanallah ko kaji ance kai wance ko wane kyanshi yayi yawa har baya burgeni innalillah dama ai rabbi baiyi hallici wani abu dan ya burge wata ko wani ba.

In kaga abinda bai maka ba barshi a zuciyanka tunda ba kai kayi ba wanda yayi kuma baiyi dan ya burgeka ba .

Sake wani juyin tayi cike da gundira tana tunanin yanda itama mijinta ya tsani halittanta.

Runtse idonta tayi a lokacin da take jin muryanshi na mata kuwwa a kunnenta shgiya mai kama da aljanu ni tsinanniyar yarinyan nan tsoro take ba duk ta bi ta lashe kurwan yan gidan nan toh wallahi ni dai in gaya miki kurwata kur dacine QAWWAMA😘ryarki ki lasheni bar kallo da mayun idonkin nan ko wallahi in tsokalesu sai sun zube.

Sake tuno ranan da wani abokinshi ya tambayeshi ko ita kanwarshi ce sai cewa yayi kaga idanun gidanmu na kama da na mayu ne wannan mayya ce kana ganinta baka ganinta da suffan aljanu?

Tsam ta mike ta nufi dogon miro tana karewa hallitanta kallo menene laifin halitanta? Hawayene suka zubo mata a lokacin da ta tuna this same halitta shi ya janyo mata tsana a wurin mijinta yaya BANI NAYI KAINA BA ta furta a hankali.

Murmushi ne ya subuce mata da ta tuno yayan da take magana akai tuni yayi mata nisa tun bayan kwana bakwai da auren su ya tsallake ya bar mata kasan gaba daya.

Abin haushin ma wai tafiya yayi yaje ya lallashi budurwarsa da take karatu a can Europe akan auren da akayi mishi a gida ba tare da yana so ba.

Surprise visit wai zai kai mata kaman yanda taji yana fadawa amininshi ana gobe zai tafi.

A hankali ta koma ta kwanta a bakin gadon ikon Allah kenan kab family din mijinta bata da wanda yake kinta sai shi mijin kwacankwam baya kaunan ya budi ido ya ganta babu halittan da ya tsana irin nata.

To wai meye laifin halittan nata ai yaci ya rungumi zabin iyayenshi ko da baya so.

Wani sashi na zuciyanta ne yace zaki ce haka mana tunda ke duk wannan tsana da tsangwama da yake nuna miki shine namiji kwaya daya jal da yake burgeki kika dau soyayyar duniyan nan kika daura mishi.

Yamutsa fuska tayi tare da fadin that is the annoying part son ma so wani not only that wanda ya tsaneka ya tsani ganinka saboda halittanka anya ya cancanci soyayyarka.

Gyara kwanciyarta tayi ta daga ido tana kallon saman dakin tana so ta tunato rayuwarta ta baya.....................................

****** ******* *******

Hwol buji wani ruga ne ko ince kauye da yake karkshin garin mista Ali na cikin garin Jos a jihar plateau.

Garine da ya kunshi fulanin Bauchi da Jos sannan akwai sauran yarurrukan plateau a garin kaman su jarawa angas birom da sauransu

Garine da ake a cakude wato da masu sallah da marasa sallah, kowa ya san garin Jos ya san akwai su (marasa sallah).

Kaman yanda nace akwai fulanin Bauchi a garin to haka ya kasance iyayena fulanin Bauchine kuma suna nan a wannan gari.

Ba kaman yayah (mahaifinmu) dan shi anan aka haifeshi nan ya girma dadarmu(mahaifiyarmu) yar asalin Tilden fulani ce na karamar hukumar toro a jihar Bauchi daga nan yayah ya aurota.

Sana'ar mutane hwol ba wata sana'a bace da ta wuce noman kayan gwari da kiwo, in nace noman kayan gwari ina nufin noma abinda ya shafi timatir albasa tarugu,tattasai ja da kore, sai su karas kabeji,koren wake,latas,yalo da dai sauran duk wani abu da ya shafi vegetables.

Malam yusuf shine sunan mahaifina sana'arsa kuma itace koyar da magidanta fannin addini sannan yana sana'ar noma da kiwo kaman dukka sauran yan garin.

Dada zakee kaman yanda ake kiran mamanmu a garin asalin sunanta Ruqayya itama tana koyar da yara da matan aure fannin addini hakan ya sa muka taso da karatun addini sosai.

Mu uku ne jal a wajen iyayanmu yah auwal ni ZAKKIYAH sai autarmu salma wanda taci sunan kakarmu da take zaune damu a gidanmu.

Duk da kasancewar garin hwol cike yake da fulani amma mu kyan yan gidanmu ya fita dabban dukkanmu har yah auwal da dada muke kama, kusan duk na fisu kama da dada dan ni hatta tafiyarmu iri daya haka maganarmu hatta halin dada ba abin da na bari na wajen haquri da rashin son magana.

Hwol buji kam kauyene sosai dan babu makarantar boko a garin har sai mun dangana da mista ali kullum muna hanya haka in an tashi zamu debo rana mu dawo a gajiye likis gashi a kafa muke tafiya har gara wasu lokutan ma yayah yana kaimu a mashin dinshi ko ya biya makocinmi ilah ya kaimu amma fah in an tashi a kafa zamu dabo.

Yah auwal na shekararshi ta farko a university if Jos inda a can yake karantar Agriculture yayin da ni kuma na kammala primaryna ina jiran sakamakon jarabawar da muka rubuta ta scholarship.

Kwata kwata ni na kasance mutum ce mara hayaniya ko a kauyenmu ban da kawa bana fita ko ina dan duk inda na fita sai an ta yabon kyauna hakan yasa bana fita ko ina kullum ina like da dadana dadan ma tafi son haka dan gudun bakin mutane.

Kakarmu inna ma sai dai tayi ta fada tana fadin kullum ni dai baki a rufe kaman mai ciwon baki ko dan hira bana zuwa mata,toh mai zai kai ni ta cika ni da surutu.

Kaman kullum da safe bayan yayah ya ciri amfanin gonanshi babban buhu guda zai kaima abokin harkarshi ziyara a nan cikin garin jos ya mana sallama ya tafi salma kam ta tsufa a school dama yah auwal zaman hostel yake yi duk da a dakin abokinshi yah sadeeq yake.

Mu uku ne a gida dani da inna da dada. Inna na cikin dakinta tana gyangyadawa yayinda inna ke ta zirga zirganta ni kuma ina zaune ina sanye lalle a yatsuna sai ga yayah yayi sallama har ya dawo.

Da mamaki muka kalleshi ni da dada sanin da muka yi in yaje wajen abokinshi sai yamma lis yake dawowa.

Zama yayi a kusa dani dada ta kawo mishi ruwa bayan ya sha sai ya kalli dada yace rakiya kin ganni na dawo ko?

Ta dan gyada kai yace wallahi bayan illah ya fita dani titin farin lamba ya dawo ina nan tsaye ina jiran motan jos.

Sai ga wani alh nan ya parka a can daya barin ya tsallako muka gaisa yake tambayata menene a cikin buhun dan shi a tunaninshi kasuwar farin gada zani.

Nace mishi alhaji bana sayarwa bane har ya juya zai tafi yana ta waigena sai ya dan dawo yace na ga kamansu karas da kabeji ne dan Allah in bazaka damu ba ka taimakeni ka sayar min wallahi gida kano na nufa da safen nan na zo na duba yarona ne amakaranta toh da da safen nan nake so mu je can gidan su abokinshi in sayawa mutanen gida dan sallahun da suka ban kenan sai aka min waya muna da meeting a can inda nake aiki ka taimaka ka sayar min ko nawa ne.

Sauke ajiyan zuciya nayi nace mishi gaskiya ni ban ciro kayan nan dan in siyar ba alheri na so yi da shi amma tun da abin haka ne ka dauke ai ba a zaban wanda za ayiwa alheri.

Yayi ta min godiya na taimaka mishi muka sa a mota yana kokarin sa hannu a aljuhu nace mishi ah ah alheri nayi niyya na juya na.dawo abuna.

Allah sarki shine abinda muka ce dan shi yayah haka halinshi yake.

MAFARIN ABIN.
💖BANI NAYI KAINA BA💖

By Sawwama A.
Page 2.

Scholarship result dinmu ya fito inda na sami Attaquwa International school dake jihar kano abin haushin kuma ba boarding bace day ne.

Yaya yace ba inda zani in shiga makarantan gwamnati na mista ali tunda mu ba yan uwa bane da mu a kano.

Ina zaune a tsakar gida nayi jugum idanuna sunyi jazir tsabagen kukan da na sha gidan yayi tsit kaman ba mutane kowa na tayani jimami.

Yah auwal da yah sadeeq ne suka yi sallama suka shigo kwata kwata banji karar motar yah sadeeq din ba sai da suka zo kaina.

Harara yah auwal ya balla min yana fadin baki jin.sallama ne baza ki ansa ba ina sauran mutanen gidn.... Maganan shi ce ta katse sa'ilin da muka yi ido hudu yaga yanda idona ya rine.

Tsugunawa suka yi a gabana shi da yah sadeeq meke faruwa ke da waye kike kuka? Wasu hawayen ne suka zubo min na sa bayan hannuna na goge.

Kafin inyi magana inna da ta fito bakin kofanta tace maigidana ba dole tayi kuka ba makarantan nan da take ta jira ta samu sakamakon ya fito amma babanku ya hana.

Yace toh Allah ya kyauta jeki ki dauko min scholarship din in gani ya fadi hakan yana karasawa dakin dada gaisheta suka yi suka wuce can dakinshi da yake zaure.

Abinci dada ta zuba min na kai musu tare da ruwa,sannan ta koma dakinsu ta daga katifarsu ta dauko file din ta rungume tana jira su gama cin abincin.

Kwala mats kira yayi da sauri ta tashi taje ta kai mishi ya karba yana cewa toh wai me yasa yayah ya hanki ne?

Dan zaro ido waje yayi ya dan yi baya tare da cewa ahhhh dole yayah ya hana har garin kano ba kuma boarding ba.

Sadeeq ne ya taso daga kwancen da yake yace kano? In gani ya mika hannu ya karba.

Yace lahhhhh wallahi auwal makarantar da muke yi kenan a gidanmu tun daga nursery har mu gama yanxu haka kannena a nan suke.

Makaranta na da tsada sosai amma duk bayan shekara biyar suna bawa 36 state na Nigeria scholarship dai dai this time Zakiyya is the luckiest a plateau state.

Hawaye ne ya kara zubo min yanzu shikenan na rasa wannan daman sadeeq ne yace no no daina kuka zamu samu yayah sai kije ki zauna a gidanmu ki dinga zuwa tare da kannena.

Wani sanyi ne ya ratsani duk da bani da tabbacin yayah zai bari, illai kuwa yaya yace sam bai san wannan zancen ba yace taje ta shiga makaranta irin nasu na ya'yan talakawa.

Ba yanda basu yi da yayah ba amma sam yaki sadeeq baiwa kowa sallama ba ya dau mota sai kano.

Bai isa kano ba sai da akayi isha kasancewan bai taso da wuri wajen abban shi ya fara shiga aiko yayi sa'a yana tare da daddy kaninshi.

Bayan sun gaisa daddy ya kalleshi cike da mamaki yace babana me ya kawoka gida a wannan lokacin?

Ya sunkuyar da kai tare da sosa keya da mukullin.motan shi yace wallahi daddy wata yar matsala ce ta taso.

Abba yace tohhhh matsala dai bata wuce ta kudi me yasa baka yi waya an turo maka ba

Kara sunkuyar da kai yayi yace abba ba matsalan kudi bane ina wannan abokin nawa da nace muku yana taimaka min sosai daddy ai kai ka ganshi.

Dadyn ya gyada kai yace eh haka ne wani abu ne ya sameshi

Yace ah ah dama......... Ya kwashe komi ya gaya musu.

Abba yace toh yanzu kai me kake nufi so kake mu daukota mu kawota gidan mu kai ka tabbatar da halinsu ne.

Daddyn ne yace Alh tabbas naga yaron kuma na yaba da halinshi duk da ba a shaidan dan mutum amma the boy look innocent.

Abba yace toh shikenan tunda kace haka gobe tunda Saturday sai ka bishi ka lallabi mahaifinsu.

Yace toh shikenan Allah ya kaimu,suka amsa amin sadeeq ya runsuna yayi godiya kafin ya shiga cikin gida kowa sai murnan ganinshi yake ba kaman BB(big bro) dinshi da shima ya dawo weekend sai fadi yake lil bro naji dadin ganinka it has being quite long da na ganka hope kana karatu.

Shagwabe fuska yayi tare da rungume dan uwanshi yace i miss u too BB.

Dan patting dinshi yayi yace kar ka damu zan nemi transfer zuwa rukuba barrack na jos sai ka dawo wajena kawai da zama ya fadi haka yana jan hannunshi zuwa side din su.

Dariya sadeeq yayi yace ahhhhhh yayah sai dai ka dinga zuwa kana duba ni dan tsakanin rukuba barrak da main camp akwai shegen nisa.

Yace ok we will see about that muje mu samu mu huta nima dazun nan na iso.

******* ******* ********

Washegari ko daddy da sadeeq suka dau hanyan jos sammako suka yi saboda haka kafin azahar sun isa hwol.

Sun ko yi sa'an samun yayah a gida abin mamaki kuma ashe daddy shine mutumin da yayah ya taimaka ya bawa kyautan kayan lambu.

Gaisuwa suka yi sosai na mutunci kafin daddy ya fada mishi abin da ya kawoshi

Murmushi yayah yace alh banki ta naka ba amma ita zakiyyan wata irin yarinya ce me kawa zucin gida ba lallai ta yarda da zaman can ba.

Daddy yace ai malam annabi yace a nemi ilimi ko da a birnin sin ne kuma can kanon akwai yarana da yaran dan uwana sa'o'inta kuma suma duk Jss one zasu shiga....... Da kyar da sidin goshi suka shawo kan yayah ya yarda amma sai ana sauran sati a koma makarantan yayah da sadeeq zasu kawota.

Daddy sai godiya yake yi kaman shi aka yiwa abu, har abin ya bawa yayah mamaki har ya dinga jinjina irin karamcin bayin Allahn nan.

Kayan lambu ya shiga gona ya hadowa daddy sosai har da su timatir daddy yayi ta godiya har ya tafi akan sai sun kawo zakiyyan.

TAFIYAN DA YA ZAME MIN MAFARIN MATSALOLINA.

💖BANI NAYI KAINA BA💖

By Sawwama A.

Page 3.

Yau ce ranan tafiyarmu duk murnan da nake yi da dokin zanje makarantar da nake so,sai na tsinci kaina da rashin son barin mahaifata.

Kuka nake yi sosai haka inna da salma kaman wacce aka ce bazan dawo ba in na tafi.

Dada dai kam baza ka iya gane yanayin da take ciki ba haka na barosu.

Ni,yayah da yah sadeeq da ya auwal ne muka yi tafiyan.

Tunda uwata ta haifeni ban taba zuwa wani gari ba banda cikin jos sai ko bauchi wajen babban yayarsu dada hajja da take aure a can.

Tafiyar tayi min nisa da rashin dadi saboda rashin kyan hanyan saminakan nan.

A galabaice nake lokacin da muka isa garin kano,sosai garin ya min kyau ya kayartar dani.

Manyan idanuwana na fito dasu sosai ina ta kalle kallena zuciyata sai tsinkewa take yanzu a wannan garin zan yi rayuwa?

Ban kuma tsinkewa da al amarin ba sai da muka zo wani tabkeken gida bani kadai ba hatta yayah da yah auwal sun kadu da ganin girman gidan da haduwarsa.

Tuni yayah ya fara dana sanin amincewa da zuwan wannan gidan gashi shi yanzu ba zai iya janyewa ba coz he is man of his word.

Yah auwal ma cike yake da mamaki duk da ya san su ya sadeeq masu kudi kama da yanda shi kwata kwata bashi da matsala irin ta dalibai tunda shi har motan hawa yake da ita kirar civic 2 door amma bai taba tunanin suna da kudi haka ba.

Sauka sosai aka musu a gidan guest room aka kaisu,suka cika cikinsu da abinci kala kala da aka tanadar musu.

Bayan sun kammala sunyi sallah daddy da abba suka shigo aka sake sabon gaisuwa kafin yayah ya damka musu amanata suma suka karba.

Yaya cewa yayi baza su kwana ba a yau zasu tafi ba yanda abba bai yi da shi ba cike da ladabi (kasancewar duk zasu girmeshi) yayi musu bayanin yana da harkokin da zai je ya duba ga dalibanshi bai ce musu zai kwana ba.

Haka suka fito musu da tsarabar da muka kawo musu na kayan gona da su daddawa kuka kubewa da sauransu.

Su yah sadeeq ma sunce ba zasu kwana ba dan suna da test ranan monday gwara suje suyi karatu.

Haka suka tafi suka barni ina sharan hawaye shiga dani cikin gidan suka yi tare da kirawo matan gidan.

Alh abdullahi shine asalin sunan abba yana da matan aure 2 haj Hauwa itace matarsa ta farko tayi haihuwa 3 basa dadewa suke rasuwa a na hudun ne Allah ya tsayar mata inda ta haifi danta namiji RIDWAN a lokacin safwan(daddy) shima yayi aure inda ya auri sadiqa ta haifa mishi Ibrahim tsakanin Ridwan da Ibrahim wata bakwai ne Ridwan ya girmi ibrahim.

Bayan Ridwan haj hawwa sai ta kuma haifan rabi bata dade da haihuwan rabi ba alh abdullahi ya dada aura ya auri haj maimuna shekarn rabi biyu haj maimuna ta haifi sadeeq sai mustapha sannan sannan ta haifi shafa shekarun shafa uku ta rasu.

Ita kuma haj hauwa tun bayan haihuwan rabi bata kuma haihuwa ba sai suka zo suka samu ciki a lokaci daya da ita da haj maimuna da haj sadiqa matan daddy itama lokacin ta haifi yara biyu bayan ibrahim Aisha da kasim.

Haj sadiqa ce ta fara haihuwa inda ta haifi yan biyu fareeda da fadila, satinsu biyu haj hauwa ta haifi yusra kwanan yusra talatin da hudu haj maimuna ta haifi halima wanda sune sa'o'ina.

Dakinsu yusra aka saukeni kowa sai yabon irin kyau na yake yi kowacce tana so in kwana a gadonta.

Mama ma(haj hauwa) sai nan nan take dani haka momy kowa burinshi ya faranta min dan in sake a gidan.

Washegari mama tasa muka shirya muka je gidan haj mahaifiyarsu abba ta ganni daga nan muka wuce gidan daddy

Su fareeda sai murna suke da zuwan mu da zamu tafi ma dagewa suka yi sai da suka biyomu.

Sosai na sake da yan gidan bani da matsalan komi har abba yasa yah mustapha ya cike min form din islamiya.

Ba aji daya aka sani da su yusra ba kasancewar na musu nisa su suna aji daya ni biyu.

An koma school daddy yaje ya daidaita min komi muka fara zuwa dukkanmu har su yah mustapha driver ke kaimu.

Haka rayuwa taci gaba da garawa bana zuwa gida hutu sai in anyi hutun 3rd term saboda islamiya yah sadeeq da yah auwal su kan zo weekend wani sa'in in anyi hutu kuma kullum muna tare da yah sadeeq yana bani labarin yan gida.

Mun shiga Jss 3 lokacin shekarun mu 13 alamomin girma sun fara bayyana a jikin mu su fareeda sai rawan kai ya karu an fara zama yammata.

Muna zaune a dakinmu har dasu fadila muna shirya irin ankon da zamu yi tunda bikin yah ibrahim ya kusa ko ince suna shiryawa danni da ido nake bin su.

Fadeela ce tace wallahi kar mu yarda muyi anko da kowa gamu nan har biyar muyi ankon mu daban kawai mu fito a kannen ango abinmu.

Shewa suka yi dukka yusra tace daddy zamu je mu sama ya bamu kudi muje mu dirji swiss less a gidan aunty rabee kasancewar ita kasuwanci take daga dubai zuwa india.

Halima tace kin kawo idea ai ba karamin casu zamu sha ba wannan bikin dan ma wannan a takuran na nan dawowa.

Sai kuma duk jikinsu yayi sanyi suka hada rai yusra tace ni wallahi dama a ta turashi kasashen wajen ya daina zaman nigeria kwata kwata.

Fadeela tace hmmm yah RIDWAN ko masifa carab halima tace ko jaraba ba ni duk shekara ukun nan da yayi baya gida ko kadan ban yi missing dinshi ba.

Yusra tace missing dinshi ai sai yah sadeeq dan shi dama in kinga rahamarsa toh ya sadeeq na wajen ko yah ibrahim, ya ibrahim din ma ai dan bai mishi da wasa ne shi shegen son girmanshi ne yayi yawa.

Fareeda tace toh ba dai yaga shine babba dukka ba shi yasa yake mana mulki.

Su aunty Aisha dai sun huta da suka yi aure abinsu Allah nima ina gama secondry aure zanyi.

Dariya muka sa dukkanmu har dani ma da nake sauraronsu, fareeda tace Allah kuwa dan jarabar ya Ridwan sai shi.

Halima tace su aunty rabin ma ai da suka yi auran ba tsira suka yi ba ina da ya samu labarin aunty Aisha ba karatu take ba ba kuma sana'a ba har gidanta yaje ci mata.

Ajiyan zuciya nayi nace ayya kuna ta ragewa bawan Allah zunubai baya nan amma sai kare mishi tanadi kuke Allah ba kyau in yazo sai na gaya mishi.

Dariya suka yi dukka fareeda tace lallai baki san yah Ridwan ba in baiyi kwallo dake ba.

Yusra tace kuka sani ko kyaunta ya rude shi ya kasa aiwatar da komi,sai suka dauka eh kuwa eh Wallahi.

Harara na balla musu nace ku dai kun shiga uku da shegen magana tun baku tafasa ba zaku kone ni din wani kyaune da ni koma ina da kyai yaushe na gama zama cikakkiyar mace.

Ihu suka kuma sawa halima tace ahegiya ashe kina magana har da wani yaushe na gama zama cikakkiyar mace ba nono a kirjinki ba duk nan kin fimu nono.

Hade rai nayi fadila tace kyau kam kuma sai dai ki mana ba'a mu bakake kuma bamu kaiki kyau ba

Farida taja dankwalina ta ware doughnut din da yusra ta min gashina ya zuba bayana tace ga gashi na fulqnin usul ba relaxer ba komi just natural beauty.

Halima tace ki duba manyan idanunta shape din kwai ko ni ta kalla wani sa'in sai naji gabana ya fadi ji eye ball din baki sidik shegiya ko kura baya rinan mata da farin ido..

Yusra tace sai hawaye ba dan akwai arhan su, suka kwashe da dariya haka suka ta zolayana.har nayi fushi na tashi na tafi dakin mama.

Ana biki saura sati aunty asma'u autar haj ta iso daga boston a nan take aure kuma bata taba haihuwa ba.

Ranan ne kuma yah ridwan ya iso duk da cika bakinsu yusra ranan sai murna suke har damu a taya aikin girke girke.

Lokacin da ya iso ana ta ihun oyoyo ina kuryar mama ina mata gyara gabana sai dukan tara tara yake ko mai yasa oho ko dan irin labarin masifanshi muguntarshi da iya bada punishment dinshi da naji ne oho.

Dakin momy ya fara shiga ya gaisheta kafin ya shigo gefen mama lokacin mama ta shiga wanka.

Sallama yayi har bedroom.din ya shigo sanye yake da wandon khaki sai short sleeve na shirt din khaki ya daure booth a kafarsa.

Bakine amma ba wuluk ba yana da dogon hanci sosai idanunshi manya ne amma basu kai nawa ba asalima eye ball dinshi ke da girma.

Girarshi cikakkiya ce baki wuluk kaman dan gashin kanshi shape din bakinshi mai kyau, dogo ne shi ingarma wato gaint.

Ke! Wata shegiyar tsawa ya daka min meye haka kin wani zubowa mutum idanu kaman wata mujiya toh in ke mayyace kije can ki nemi wanda zaki lasha, shegun masu aiki sai shegen kauyanci ina mamana.

Fitowa tayi daga bathroom din tace gani sarkin yan masifa ka dawo ko hutawa baka yi ba zaka tsoratar da yar mutane toh ba yar aiki bace kanwarka ce haba mutum sai bakar jaraba ni dai wallahi ban san inda ka dauko bakar zuciya ba.

Sunkuyar da kai yayi yana hararata kasa kasa yace haba mamaaaaa daga dawowana ko zama ban yi ba kin fara korafi.

Harara ta balla moshi tace ai kai naga ba halin naka ka fara nunawa ba daga isowarka kaga yarinya baka san ta ba ka hau ta da fada.

Kama kunnuwanshi yayi yace toh sorry my sweet mom na sameku lafiya,

Tana bude wardrobe dinta tace lafiya kaje ka samu ka huta bari a kawo maka abinci ma gaisa a nitse.

Yace toh yana balla min harara ya wuce ya fita.

Mama ta juyo ta kalleni tace kuje ke da halima ku kwashi abincinshi ku kai mishi.

Dan zaro ido nayi ban ma sani ba sai mama tayi dariya tace matsoraciya ba abin da zai miki yayanku haka yake gwara ki saba da halinsh, ki rage tsorata.

Nace toh naje na sami haleema na gaya mata abin da mama tace.

Lallai ma mama maimakon tasa masu aiki ko su yah mustapha su kai sai ta aikemu salon ya casa mu ba gaira ba dalili dauki tray din can ki fara zuwa ni na biyoki daga baya.

Ido na.kwalo waje nace haba haleema ke ki fara zuwa ai ke kanwarshi ce nifa bai sanni ba.

Haleema tace ai shi yasa nace ke ki fara zuwa kila ya miki baqunta ba zai ce miki komi ba.

Na kalleta a raina nace baqunta indeed dan bata san me ya min bane bata san ni ya fara saukewa kwandon masifa ba tray din na sunkuta nayi side dinshi zuciyata na lugude............ Ko yanzu wani draman zamuyi oho🤷🏼‍♀

 BANI NAYI KAINA BA
By Sawwama A.
Page 4. To 6
Sallama nayi wajen sau uku ba a ansa ba ajiyan zuciya na sauke na fara tafiya sadaf sadaf na shiga naje na ajiye kan dining motsin bude kofa naji a cikin bedroom dinshi da sauri nayo hanyan fita sai ji nayi yana ke dan ubanki zo nan ai sai na kara wuta.
Kwafa yayi ya koma bedroom din yana raya irin casata da zaiyi dan da alama bata sami labarin halinshi,haka yayi ta magana shi kadai yana shiryawa dan dama yana wanka ya dinga jiyo sallamanta.
Ni kam da sauri na shiga kitchen na sami halima na jirana harara na banka mata nace Allah yaso baya nan ma.
Sauke ajiyan zuciya tayi tare da juya idanunta ta dau nata tray din nace ai gwara kije kema ki hadu da shi nayi ficewata zuwa dakinmu.
Nan na samu su yusra ana ta hira nima na zauna sai ga halima an shigo ido jage jage da hawaye ta sha rankwashi.
****** ****** ******
Duk yanda muka ci alwashin bikin nan ya Ridwan ya hana mu rawan gaban mu ya bi ya takura mana duk yanda muka kashe kudi wajen dinkunan mu haka ya hana mu zuwa duk wani event da akayi da dare wai munyi yara.
Su fareeda ansha kuka ni dama ban sa aka ba taro baya cikin budget dina suna dama suka takura.
Haka aka gama taro suna cikin dacin rai aka kaiwa yaya ibrahim amaryarsa shema'u aka watse.
********* ***** ********
A halin yanzu muna first term SSS3 mun gama zama yam mata ko wani alamomi na budurta ya gama bayyana a jikinmu.
Ni kam al amarina har tsoro yake bani yanda mutane ke kururuta kyau na mama hanani fita take in ma zan fita sai dai insa zumbulelen hijab.
Su yusra ma sun ce kashe musu kasuwa nake in mun fita tare ba kaman fadeela da ta dau abin da girma bata taba yarda mu fita tare wai ba yanda za ayi tana da kyaunta da farin jininta dai dai ita in kashe mata kasuwa tun muna daukan abin da tsokanane har muka fahimci ita fa da gaske take.
Daddy da abba har sun gaji da bawa mutane masu neman izini akaina hakuri haka kawayensu mama wai suna so ma ya'yansu.
Hira ma kwata kwata ni ba nayi tunda wani dan kawar mama ya dage yana zuwa wajena wata rana yaso ya min ta'asa mama ta tsorata ta gayawa abba shi kuma yace duk wanda ya zo nemana ace an min miji zaije ya samu yayah suyi magana.
Ya auwal da yah sadiq sun dade da gama har masters dinsu sun kama aiki yah sadeeq na abuja inda yah auwal ya luluka lagos.
Zumunci tsakanin zuriyarmu da tasu yah sadeeq kam ba a magana har abba da daddy sunje sun sami yayah sun shawarta tsakaninsu.
Ya Ridwan kam tun bayan auran yah ibrahim aka turashi Syria sau daya ya dawo shima ban bari ko sau daya mun hadu ba har ya gama hutunshi ya koma.
Abba ne ya kirashi yace maza ya nemi a dawo da shi gida Nigeria ko ya ajiye aikin gaba daya yazo ya kama kasuwanci.
Ai ba shiri ya nemi transfer zuwa gida yana dawowa aka kara mishi girma zuwa colonel .
Innalillahi abinda naji halima na fada kenan lokacin da driver ya karyo kwanan gida mun dawo daga sch daga ido muka yi ni da yusra lokaci daya muna kallon inda take kallo.
Dam gabana ya bada a lokacin da na hangoshi a tsaye a bakin gate shi da yah ibrahim da wani hannunshi rike da taba nan take naji wani kyamarshi dan abin da nafi tsana kenan.
Baba driver tsaya mu gaisheshi kar ya fara cin uban mu tun daga nan cewar yusra.
Sakkowa muka yi dukkan mu muka dan rusuna muka ce barka da yamma yah Ridwan barka da yamma ya ibrahim
Yauwa yan makaranta cewar yah ibrahim shi ko gogan sai da ya
Yar da taban hannunshi yayi ya take kafin yace uhmm yana kallonmj daya bayan daya a fuskata ya sauke idonshi yace wannan me kama da aljanun fa daga ina?.......
BANI NAYI KAINA BA
By Sawwama A.
Page 5.
Tsaki yah ibrahim ya ja yace kai fa ba karamin dan rainin wayo bane mai kyau dince baka sani ba yarinyan da kusan shekaranta 6 a gidan nan.
Kana nufin kace min wannan aljannar yarinya tana gidan nan for almost 6 years for what ? Me hadin mu da ita dan duk danginmu ba mai kalar aljannan nan.
Rai a bace yah ibrahim yace kai tashi ku shiga ciki da sauri muka mike dan dama kaman a kan allura muke.
Tafe nake ina goge hawaye su yusra na ban haquri dan suma sosai ransu ya baci da kalan rashin mutuncin ya rid.
Ni ba abinda yake bata rai irin danganta ni da aljanu da yake yi.
Ibrahim ne ya juyo ranshi a bace yace kai fa wani sa'in baka da girma me zakiyya tayi mata zaka mata irin wannan diban albarkan.
Sameer da tun da ya hango zakiyya hankalinshi ya tafi yace gaskiya colonel baka kyauta yarinya mai kyau da hankali haka.
Tsaki ya dan ja ya shafa kanshi yace ku bazu gane bane kwata kwata tun lokacin da na fara ganin yarinyan nan wallahi naji tsananta ni a lokacin ma na zata yan zuwa bikinka ne dan a lokacin bikin naka na ganta.
Ban kara ganinta ba shi yasa na manta ta toh amma mai take yi A gidan nan me hadinmu da ita??
Ibrahim ne ya kwashe zuwana gidan ya fada musu kasancewar sameer shima ku san dan gidan ne.
Sameer yace ayya gata da hankali yanzu ai ta kusan gamawa ma.
Ai gwara tayi ta gama ta bar mana gida dan wallahi haka kawai ban son ganinta bata burgeni tun bata kai haka ba kyau kaman wata aljana irinsu sai shegen fi'ili da girman kai da iyayi su ba kowa ba.
Yah ibarahim ya dan girgiza kau yace ba dai zakiyya ba yarinyan da bata taba iya hada ido da mutum magana ma bai dameta ba da wuya ka ganta a cikin mutane ni ba zan so yarinyan nan ta bar zuriyarmu ba.
Cikin kuluwa Ya Ridwan yace toh ai sai ka aureta kaje ka hadata da shema da kuwa na bar shiga gidanka har abada.
Dariya yah ibrahim da yah sameer suka yi kafin yah ibrahim yace ai dan dai na riga nayi auran ne da na aureta sai dai ga sadeeq ko da yake gaka nan ma babban gwaza kaki kayi aure ya fada hakan cike da zolaya.
Naushi ya kai mishi ya kauce yana dariya yace ah ah oga sir ba soja bane bazaka illatawa matata ni ba gwara kai babban gauro ne.
Sameer ma dariya yake yace ai ya kusa ya tashi daga gauron duk zamu fita gauron mu huta da shegen iyayinka da anyi magana kace matata to kowa ma dai zai yi matan nan.
Bar dan iska ya rasa wace zai hadani da ita sai mai idon mayun can bayan ni ina da mata first class me zanyi da kalan lalura ai ni mai iya daukan buqatuna sai shuhaira.
Rike baki yah ibrahim yayi yace oh su shuhaira manya wato har ka gama sanin zata iya daukan buqatunka ko dai har ka fara sauke mata buqatun ne.
Sameer dai dariya yake yace wallahi ni kam nayi nan bazaku kashe ni da dramanku ba ya shiga mota ya tafi.
Shi kuma yah Rid ya fuskanci ya ibrahim rannan a hade yace ai dai ka san ni ba dan iska bane tunda sanin kanka ni asali ma mace bata gabana balle in nemi inyi lalata da ita ba shuraihan.ma ganin kamun kanta da yanda take sona yasa nake sauraranta kuma na san dole za a zo a matsa min da batun aure.
Yah ibrahim yace dole mana za a matsa maka da batun aure tunda kai ba waliyi bane yanzu fa ka haura 35 ai gwara ka san me kake ciki.
Sauke ajiyan zuciya yayi yace kai dai bari kawai bro Allah kadai ya san dauriyan da nake yi shi yasa Na yanke shawaran in an kwana biyu zan sami daddy da maganan shuraihat din in shi bai fara min maganan ba.......
Nima sawwama nace da rabon ko zai yi maka shigar sauri
BANI NAYI KAINA BA
By Sawwama A.
Page 6 .
Tunda ya rid ya dawo ya sani a gaba sai dai in hanya bai hada mu ba yanzu zai zageni ya hada min har da rankwashi dan gwanine wajen rankwashi.
Yau lahadi na tashi da wani matsanancin ciwon ciki kasancewar ina cikin period dina ko da yamma tayi su yusra sai tafiya islamiya suka yi suka barni dan dama in har na fara period zuwa school kuma sai Allah.
Ni kadaice a gidan duk antafi islamiya su mama ma sun tafi sunan amaryan matan abokin abba.
Ina kwance a dakin mama dan in dinga jin masu shigowa duk da akwai masu aiki murkususu nake tayi ni kadai.
Sallamanshi naji a palo da kamshin turarensa sai warin tabar tuni zuciyata ta fara tashi saboda jin warin abin da natsana ga kuma ciwo .
Da sauri na tashi dan in shiga bayan gida saboda wani amai da ya taso min shi kuma dai dai nan ya shigo.
Carab ya ruko hannuna yace ke dan ubanki dan kin gan ni ne zaki tashi ki gudu wato ga dodo ko? Ni da ke waye abin gudu ke masu kalar aljanu ma ba a gudu miki ba amma har kina iya gudun ma wasu.
Toshe bakina da hancina nayi a lokaci daya ina girgiza kai ina kuma kokarin warce hannu na dan at any moment na kan iya yin aman saboda tabar da ke daya hannunshi
Ke ni kike toshewa hanci? Kut amma kin rai..... Maganan shi ce ta yanke a lokacin da na wanke mishi ciki da amai.
Kam bura uba abin da ya furta kenan ya sake ni ya wanke ni da mari kafin in dawo hayyacina ya kara min wani ya sa kafa ya kwasheni na fadi kasa
Ban iya cewa komi ba sai wayyo yayah kayi hakuri bani da lafiyane ba gudunka nake ba dan Allah kayi hakuri na hada hannayena biyu ina hawaye.
Wallahi banda ina gudun kasheki wallahi yau da sai na lahira ya fiki jin dadi ina ruwana da rashin lafiyarki a kyamace ya cire rigarsa ya wurga min afuska yace kuma wallahi na baki 30 mins ki wanke min rigata ki goge kuma ba a washing machine ba dan ubanki shegiya mayya ya juya ya fita.
Da kyar na Mike tsaye ai sai tsantsin aman ya kuma kayar dani wani dan marayan kuka na saka ina tausayin kaina.
Haka na lalaba na tashi na gyara wajen na cire kayana na hada da rigarshi na wanke.
Ina jin ciwon cikin nan ina komi haka na fito nayi ta yarfe rigar nan sai da na tabbatar zata iya goguwa na je na fara gogewa ina yi ina duba agogo duk na hada zufa.
Cikin sassarfa da tsoro na shiga side dinshi waya yake yi da alama da budurwarsa ce dan sai wani zuba shagwaba yake yi ko kunya baiji ba katoto da shi yana ya wani abu kaman yaro.
Tabe baki nayi in raina yayi dubu ya baci kura mishi ido nayi yana sanye da 3kwata na kamu (khaki)a jikinshi sai farar riga mai dan guntun hannu ya kama mishi jiki dan kana ganin zanen abs dinshi yanda jikinshi yake amurde.
Shi din baki ne mai kyau dogon hancin shi na masifar burgeni balle bakinshi hmmm
Idona kan yatsunshi suka dira dogaye dasu gwanin kyau i can't imagine hannunshi working therr magic on me wani lumshe ido nayi ina raya hakan a raina.
Innalillahi astagafurillah na fada tare da saurin zaro idona mai nake yi haka na shiga uku yaushe na fara developing dirty mind ba akan kowa ba ma sai wanda ya fi kowa tsanata a duniyan nan.
Ke naji an daka min tsawa a tsakiyar kaina sai da na zauna daga tsugunan da nake.
Uban me kika tsaya yi kuma wai ke baki san yanda na tsani ganin fuskanki bane wallahi har mafarki nake yi kuma ni tsoro kike bani ki tashi ki fitar min a daki mayya kawai mai suffan aljanu.
Tafiya nayi ina tunanin ya suffan aljannun yake ko ya taba ganine oho shi dai bashi da kalman dangantani da aljanu da mayu dan tsaki naja na shige dakinmu.
Sai magrib duk yan gidan suka dawo da masu suna da masu islamiya.

BANI NAYI KAINA BA
By Sawwama A.
Page 7.to 9
Ridwan zaune gaban iyayenshi maza da hajiya kakarshi kasancewar kakansu namiji ya rasu.
Gyara murya daddy yayi yace Ridwan a matsayinmu na iyayenka baza mu danne maka hakkinka ba muna so ka gaya mana ko kana da wacce kake so dan ka san mun daga maka kafa ba dan kadan ba.
Yanzu shekarunka 34 zuwa da biyar ba aure a matsayinka na lafiyayen namiji ko baka da lafiya ne bamu sani ba?
Ya dan sunkuyar da kai yana murmushi yace ni daddy lafiyata kalau asalima ina da yarinyan da nake so tana karatu ne a Europe shekaran can ta fara dama ina so in muku magana kuje a sami iyayenta duk da babanta yace sai ta gama tukun za ayi auran a cewarta.
Tunda ya fara magana duk suka kura mishi ido ba kaman hajiya da take ji kaman ta tashi ta mangareshi wai tana kasar turai kuma ma sai ta gama.
Tace kai rilwanu wai kai kam yarone da shekara ishirin ko kuwa mtsw ta ja tsaki tayi shiru dan ta san tana iya ci mishi uwa yanzu.
Abba ne yace toh nan da shekara nawa zata gama makarantan?
Kara lankwashe kafa yayi cike da kwarin guiwa ganin abba da kanshi ne ya mishi wannan tambayan yace eh toh nan da shekaru biyu dan ta sami mtsala a shekarar farko.
Abba ya gyada kai yace zuwa lokacin kuma an nada ka shugaban gauraye ko to ba zai yuwu ba ba a zuriyarmu ba.
Hajiya aka gyada kai aka ce tabbas kam ba a zuriyan nan ba rulwanu ba kai bane shugabanmu.
Daddy yace ba zamu hanaka auran zabinka ba amma kam muna da sharadi...... Ya zuba mishi ido.
Shi kam ridwan hadiye wani yawu mai kauri yayi wanda yasa adams apple dinshi yin sama da kasa yana tunanin menene kuma.
Daddy ya cigaba da cewa sharadinmu ba wani mai wuya bane wanda dama ko da ace ita yarinyan da make so din a shirye suke toh muma sai ka bi namu ra'ayin ka auri yarinyan da muka tanada maka tun da dadewa.
Wani gumi ne ya keto mishi aure kuma? Wata yarinya kuma innalillahi.
Abba yace saboda haka tunda su wadan can ba a shirye suke ba sai a fara wannan in yaso ran da suka shirya ka aurota dan ko bamu da wannan nufin baza mu zuba maka ido kana zaune ba aure ba,in ba dai ba wata ta'asar kake aikatawa ba.
Saboda haka ka shirya nan da wata uku kana da mata dan mun riga munje mun sami mahaifinta an tsai da magana suna rubuta jarabawan gama secondary za a yi bikin ku.
Kaje ka kaiwa rabee kudi ta hada maka kayan akwati dan ba mai yi maka auran gata kana da kudinka ba zai yuwu mu baka mata mu hada ma da kaya ba haka kasa ayi gyara a gidanka kasa komi tunda dai an dade ana neman kudin nan sai a fito dasu a kashe. Cewan abba.
Shi dai gyada kai kawai yake kaman kadangare wai shi of all people za ayi wa aure wai da karamar yarinya ma yar secondary.
Hajiya ce tace tunda abin ma yar gida ce sai ka shirya yau kaje dakin uwarka hira.
Dammm a gida kuma wa kenan fadeela ko fareeda dan dai sune yam mata kuma yan secondary a zuriyarsu waro ido yayi da ya tuno abba yace sun gama magana da mahaifin yarinyan innalillahi Allah yasa ba aljanar can bane.
Daddy ne ya dawo da shi daga tunanin da yake yana fadin kai dai Allah ya maka albarka ai kai kayi dace da mata sai aduan zama lafiya kawai.
Hajiya tace ai zakiyya kam akwai hankali ga kyau ga kyan hali.
La haula wala quwata shine abinda ya fada a cikin ranshi dan bai iya wargi gaban iyayenshi.
Sallaman shi suka yi inda suka zauna da mahaifiyarsu suna shawara kaman yanda suka saba.
Bai so hakan ba so yayi da sun tafi ya fara saukewa wannan tsohuwar kwandon masifarshi.
Motarsa ya fisga yayi can bayan gari cikin awa biyu yasha kwalin taba daya da rabi, shi kadai sai huci yake lallai suna son daukan gawar yar su.
Wayarsa ce tayi ringing ganin mai kiran yayi dan tsaki shi kwata kwata ma ya manta da batun wai itama zata shiga tashin hankali in taji labarin nan.
Kin dauka yayi dan baya normal zai iya hucewa kanta.
Bai koma gidan ba sai taran dare ni kam a lokacin ina kwance ina hawaye dan dawowata daga Palon abba inda ya shaida min abinda suka yanke akan mu ni da ya Ridwan tare da shaida min da yaddan yayah suka yanke hakan.
Ni ba kukan kin auran nake ba kukan tausayin kaina nake su abba basu san irin tsanan da ya rid ya min bane da basu hada wannan abin ba.
Su yusra sun min tambayan duniya na kasa basu ansa toh me ma zance musu su abba zasu min aure bana so ai ko da na cika butulu.
Da suka lura bazan basu ansa ba sai suka kama lallashina sanin halina na zurfin ciki.
Gam aka banko kofar dakin mu ya ridwan ne ya shigo idon nan nashi yayi ja tuni jikinmu ya kama karkarwa ba ma kaman ni da na san mai ya kawoshi.
Wani kallo ya watsawa su haleema ba shiri suka mike suka fita nima nayi kokarin mikewa wani uban tsawa da ya daka min ne ya sa naji marata ta kulle da fitsari tuni na zauna tare da matsa kafata.
Kallona yayi sosai yace good da alama ke da kanki kin fara kukan makokinki daga yanzu kam ki fara irga kwanakin jin dadinki dan sun kusa karewa muddin kika kuskura kika amincewa auran nan.
Ke da kanki kin san irin tsanar da nayiwa fuskarki dama ke kanki gaba daya banda su abba yar ficiciya dake suke shirin aura min for what suna ganin zaki iya daukan buqatuna ne.
Yarinya bar ganin kina da nonuwa da duwaiwaka ba anan abin yake ba mtsw matsalar kenan ke din yarinyace i dont knw how to explain to u.
Ni dai ina shawartarki da kije ki gaya musu ba kyasona ba kya son aurena na tabbata ba zasu miki dole ba.
Baki kawai na sake ina tunanin irin wannan rashin kunyan shi ya dage sai zaro zance ya ke.
Ke dan ubanki ni tsaranki ne da zaki tsareni da shegun idanuwanki mai kama da na mayu Allah ya sawwake ni in hada zuriya da ke ki haifa min nasu siffofin aljanu shegiya mayya gwara ki sakarwa iyayena kurwa in ba haka ba wallahi inci ubanki ya kafa min rankwashi ya fice kaman kububuwa dan ko lura da su yusra dake tsaye a gefen kofanmu bai yi ba.
Da sauri suka shigo dakin haleema tace yanzu dama kukan da kike yi kenan tun dazu? Lallai dole kiyi kuka duk wanda aka hada da auran yaya ridwan ko da yana son mutum ya banu balle ke da ya tsana.
Yusra tace ni na rasa mai zakiya tayiwa yah rid da yake mata tsanan nan duk wacce ya sami mace irin zakiyya ya more.
Na share hawayen da ya zubo min da bayan hannuna nace toh ai inda matsalar take kenan siffata ce baya so yace na fiye kyau da yawa kyauna yayi yawan da baya burge mutane wai kaman aljanu dama haka aljanu suke na karasa fadan hkan tare da rushewa da wani kukan.
Yusra ta goge min hawaye tace kiyi hakuri duk tsanani na tare da sauki Allah zai kawo miki dauki mu dage da addua kawai..
SAWWAMA QAWWAMA
BANI NAYI KAINA BA
By Sawwama A.
Page 8.
ASSALAM NAJI KORAFINKU A KAN TYPING ZA A DUBA INSHAA ALLAH.
Ranan kam bacci bai ga ido na ba kwana nayi sallah ina neman zabin Allah washegari da zazzabi na tashi Allah ya sa weekend ne
Mama ne ta zaunar dani bayan ta ban tea na sha tace zakiyya ki gaya min tsakani da Allah kina son auran nan ko ba kya so.
Na dan sunkuyar da kaina ina matsa hannuna nace mama ba wai auran ne bana so ba.......
Yayanku ne ba kya so kenan na girgiza kai nace ah ah mama ni tsoro nake ji
Mama tayi murmushi tace ki daina tsoro na fahimci abinda kike ma tsoron yayanku kam.tabbas wani irin murdadan mutum ne amma ai ke ya macece wacce ta mallaki komai da duk wata ya mace ke buri.
Kina da kyau kina da ilimi both arabi da boko kina da hali mai nagarta.
Wallahi ina mai tabbatar miki in kika yi amfani da wadannan qualities din naki sai kin juya Ridwan a nan din nan ta nuna tsakiyan hannunta amma fa sai kin dage da addua .
Nace toh mama na gode tace yauwa yata yi maza ki shanye shayin kafin yazo ku tafi asibiti.
Na dago a razane mama ta dan harare ni tace zaki fara haljn naki na tsoro ko ta fadi hakan tana danna nombobinshi .
Assalamu alaika lafiya maza ka zo yanzu zan aike ka.
Ta kashe wayar ba ayi minti goma ba ya shigo cikin bakin wandon jeans da navy blue din shirt.
Tsugunawa yayi ya kara gaisheta nima na gaisheshi ya amsa yana hararata kasa kasa.
Mama na lura da shi tayi kaman bata gani ba tace zakiyya ce ba lafiya ka dauketa ka kaita a duba ta.
Mama ni kuma duk yawan yaran gidan nan nine zan kaita asibiti? Haba mama dan Allah.
Gidan ku nace kaci gidanku ni ban san da yawan yaran gidan bane ko duk yawansu sune zasu aureta ba kai ba dole ka fara sauke hakkokinta dake kanka.
Yace toh mama ni nace ina sonta ko ni nace a mana aure ni dai gaskiya mama za a takurani me zanyi da wannan abar.
Innalillahi Rid ni kake gayawa baka son zabin mu toh kaje ka samu ubanka ka fada mishi bani marainiyar wayonka ba.
Kuma dolenka da gidanku ka kaita asibiti ba asibiti ba har makaranta kai zaka dinga kaita da duk inda za taje in ba dai so kake ka nunawa duniya ban isa da kai bane.
Zube guiwowinshi yayi a kasa yace mama na tuba kin isa da ni har kin yi yawa zan yi yanda kuka ce fushinki masifa ce a gareni.
Ni ban yi fushi da kai ba amma muddin ka nemi ketara maganarmu ina dab da yin fushi da kai.
Mama hakan ma ba zai faru ba in dai daga gare ni ne ke ki sameni a mota,mama ki samin albarka.
Allah ya muku albarka gaba daya tare da iyalin naka.
Runtse ido yayi yana mai jin zafin kiran zakiyya da iyalinshi da tayi amin yace a takaice ya tashi ya fita.
Ta juyo gareni tace yi maza kije ki dan gyara fuskarki kadan ki daina zama ba kwalliya ai in kana da kyau ka kara da wanka.
Tashi nayi na nufi dakin mu dan kintsewa kaman yanda mama tace a lokaci daya kuma zuciyata na lugude.
SAWWAMA QAWWAMA
BANI NAYI KAINA BA
By Sawwama A.
Page 9.
A daki na samu yusra na waya da fadeela kan maganan hadinmu da yah Rid.
Powder kawai na shafa na sa mai a baki na fita ina ta nanata la' illah ha'illah anta subhanaka inni kuntum minal zalimin.
A cikin mota na same shi a parking space kafarsa daya a waje daya a ciki sai cika yake yana batsewa tsayuwa nayi jikin motan na rasa yanda zanyi.
Wani uban tsawa ya daka min malam in baza ki shiga ba ki kama hanyarki kiyi wucewan ki yara sai shegen raini ni wallahi babbala mutum zanyi ya fadi hakan yana kwatantawa da hannunshi.
Da sauri na bude gidan gaba na shiga wani harara ya balla min kafin ya kafa min wani azababben rankwashi.
S
Dafe kaina nayi cike da azaba yayinda ruwan hawaye ya cika min ido da alama in aka kaiwa yah rid ni zai burma min kai da rankwashi.
Uban me kike kallo da shegun idanunkin nan wallahi kurwata kur gwara ma ki sake min iyaye kuma kije kice musu ke ba kya sona baza ki aure ni ba ina ba haka ba sai kin gwammaci mutuwarki shegiya.
Kuma wallahi bari kiji yanda kika sa uwata tace sai na dinga miki hidima haka kema sai kin min danni ba jakkin gidanku bane ba za kuma ki hadani da uwata ba.
Daga yau din nan gyaran part dina da girkin abincin da zan ci ke zaki min kuma wallahi kika min mara dadi inci ubanki aljana kawai
Sunkuyar da kai nayi hawaye na sauka a kumatu na yana diga a cinyata.
Kawai sai naji an dago habata cike da kulawa ya sa wani hanky mai kamshi yana goge min hawaye yana min wani rikitatan kallo.
Kadan mamaki bai kasheni ba me ke damun kwakwalwan yah Rid? Abba na hango zai shiga motarsa nan na gano dalilin kulawar.
Har abban zai shiga motarsa sai ya fito ya dan kwankwasa glass din side din ya rid.
Bala'i nan naga munafurcin namiji sai ya wani nuna alamun firgita da sauri ya sake habana yayi saurin sauke glass din.
Abba ne yace ridwan mai ke faruwa ne naga zakiyya na kuka ba dai wani abu ka mata ba?
Dan sosa kanshi yayi yace abba wallahi wai ba ta da lafiya ne shine zan kaita hospital shine fa take kuka wai ita bata son allura.
Ashsha sannu zakiyya ai gwara kuje asibitin ai zama da ciwo ba dadi kuyi maza ku tafi, Allah ya sauwake ameen.
Ya ja motar muka kama hanyan hospital ina mamakin shu'umancin yah rid Allah ka fitar dani.
Mun danyi nisa kadan duk inda muka wuce ana kallonmu gefen titi yayi parking yace fitar min a mota.
Dammm gabana ya ba da nace ki fitar min a mota ko malama ki koma baya danni bazan dinga tafiya dake ana bina da kallo ba haba kowa sai ya jinjina min daukan aljana a motata.
A hankali na sauka na koma baya(abin dariya in bai dauki aljana ba ai ya zama driver din aljana )
A haka muka isa asibitin aka min test aka ban magani dan mugunta sai cewa yayi a min allura,duk tsoron allura na haka na daure aka min hawayene kawai yake zubo min.
Haka muka kara dawowa ina bayan mota sai da muka kusan isa gida yasa na dawo gaba.
Lokacin da muka shiga gate yana waya da sauri na fita a motar da naga hankalinshi ba ya kaina nayi cikin gida da sauri.
Ina shiga na sami su fadeela sun zo wani mugun kallo na ga tana bina da shi ni dai bance wa kowa komi ba naje na hau gadona na kwanta.
Fareeda ce tace hmm hajiya zakiyya ko aunty zakiyya zance ya jikin
Da sauki na fada a takaice.
Banko kofarmu aka yi ya shigo ya wula min ledan magunguna na yace ba dai kin mai dani sa'anki ba zanci ubanki ne.
Ya fice wani shewa naji fadeela ta sa tace ah dadinta ba isa a mana fi'ili ba duk kyaun mutum bashi da farin jini a wani wajen.
Dukkanmu bawanda ya kulata,haka ta gama hargaginta ta fice ko meye hujjanta oho.
Haka yah rid ya gama hutunshi kullum shi yake kaini makarantan boko ya kaini islamiya kuma ba ranan Allahn da ba zai ci ubana ba.
Ni kuma gyaran part dinshi da girkinsa ni nake yi haka zai lissafo min abinci kala kala kuma yace sai nayi.
Su mama sai murna suke ya sakko ya rumgumi zabinsu,su yusra ma har an canza min suna daga matan yah rid ko auntynmu.
Ni kadai na san azabtuwar da nake a hannunshi tun ma wai ba a daura mana aure an barni daga ni sai shi ba kenan.
Dan mugunta haka zai labta min under wear dinshi yace in wanke a toilet wani sa'in har da kayansa ga washing machine ga komi amma haka zai sani wanki in dauraye in ajiye a toilet din.
Da zai koma mamah tace sam sai dai ya kira daya daga cikin sojojinshi ya ajiye 407 din shi a dinga kaini school a ciki.
Sunkuyar da kai yayi yace haba mama kina son bata yarinyan nan ta cigaba da bin motan gida mana in ina nan ba sai in kai ta ba.
Ah ah sam ni ban yarda ba sojojin nan dai an baka su a wajen aikinka ka dau daya ka bata yana mata hidima kuma ka sa a bude mata acct kasa mata kudi dan ka san yanzu bambancinta da matarka kadan ne.
Haka yana ji yana gani ya mata dukkan abin da mama ta zayyano yana kudurta irin ci mata uwa da zai yi dan yayi alqawarin mutuqar aka bata mishi akanta sai ya mata ninkinsa......

BANI NAYI KAINA BA
By Sawwama A.
Page 10. To 12
Nan da nan na dawo big gal duk inda zani da driver na ga kudi da mama ke sani kashewa ta canza min mai da su turare.
Tuni kyauna ya kara fitowa da haskena gashina kam har wani sulbi ya kara yi.
Wajen koyan kwalliya mama ta min register tasa aka kawo min make up kit na 50,000 haba ai sai su yusra suka ce suma sai an musu register.
Tasa aka musu make up kit kuma tace su tambayi yayansu ai ba wacce ta iya sai yah sadiq suka tambaya yace zai sayawa mutum biyu na 20 20 thousand in yaso ya ibrahim ya sayawa sauran biyun haka ko akayi.
Sai kumbure kumbure suke yi wai nawa yafi girma da kaya momy tace toh ai ni amarya ce.
Fadila kam ai kaman ta hadiyeni sai habaice habaice take jefana da shi wai na zo zan mallake musu dangi da asirin mu na fulani.
In banda rashin hankali na bafulatanin kauye ina ke ina yah rid yar kauyan kayayau da ke.
Halima tace wai ke fadila meye matsalarki ne meye naki dan ta auri yah rid iyayenmu sun ga dacewan hakane amma duk in bi dagawa mutane hankali.
Dalla banza mara kishin dan uwa tsakani da Allah in auran hadi ake so ayi da wa yafi dacewa a hada yaya gani ga farida amma a rasa da wanda aka yi tunanin hada shi da ita sai BARE yar karo.
Farida tace ah ah ni kam ba ruwana da yah rid ba iyawa zanyi da shi ba macece wacce ta kai mace ma ya rid na wulakantata balle ni.
Ji banza ke din ba mace bace duk wani halitta na ya' mace kina da shi toh meye ya rage yanzu dan Allah wannan facakar da take ti da kudi da ba daya daga cikinmu ce take yi ba.
Ohoooo sai yanzu na gane inda kika dosa fadeela cewar halima amma kin bani kunya kice hassada ce kawai kike yiwa zakiyya sai yanzu na gane tun farko me yasa kike jin haushin zakiyya ashe bakin cikin kyan da Allah yayi mata kike yi yanzu kuma da Allah ya bata namiji daya tamkar dubu nan ma baki kyaleta ba kina mata bakin ciki.
Wallahi kin bani mamaki da kunya ai iyayenmu sun san da ke suka ga zakiyyar ce tafi dacewa da su ba zakiyya zaki zo kiyiwa tijara ba iyayenmu zaki je ki sama ki gaya musu abinda ya dace dan su suka hada ba zakiyya ba yanda yah Ridwan yake ikrarin bai sonta itama ai ba soshi take ba ita da take da asset din da namijin aure sai ta zaba ko da kuwa shugaban kasa ne balle wani yah rid.
Mtsw taja tsaki ta fita ganin duk cikin yan uwanta ma ba wanda ya goya mata baya.
Farida ta juyo inda nake kwance ina kuka tace ke kuma mara aikin yi ki zauna kawai kina zubar da hawayanki a banza indai kika ce wannan halin naki zaki cigaba da yi fadila ta samu daman rainaki kenan koshi ya rid kamata yayi ki nuna mishi kema fa macece.
Yusra tace wallahi kuwa shi yana wani ikrarin bai son mace me kyau ba ayi auran bane yarinya ajiye kunyanki da sanyinki zaki yi ci mishi uwa sannan ki dauka ki mayar.
Kwashewa suka yi da dariya dukkansu halima tace wallahi yusra gaskiya ta fada tun yaushe zata saito shi kan hanya shi ba namiji bane lafiyayye sai dai inshi dutse ne.
Duk shegen girman kan nan zai ajiyeshi sai yanda kika yi da shi tayi kwafa tace Allah maza ba karamin bani haushi suke ba.
Farida tace wallahi kuwa raini ne dasu mussaman gamu teenagers ganinmu suke yara shatab wanda basu san komi ba.
Yusra tace nan ko in muka sa su a daki sai yanda muka yi dasu. Shewa suka yi suka tafa nace Allah ya shiryeku amin suka amsa da karfi.
Karatun jarabawa muke sosai bama samun zama tun safe in muka tafi school sai hudu da sauri muke shiryawa zuwa islamiya saboda hadda muke shida kuma mun wuce wajen kwalliya sai takwas kuma.
Duk zirga zirgan da muke yi ni a motar yah rid ake kaini su kuma a motar gida in tajin haushi su da yawa suna hirarsu ko ban samu su baki ba ai da dadi kana cikin mutane.
In na yi musu korafi sai su ce min ai ni matar manya ce wane su hada hanya da matar soja.
Ko a makaranta wani respect ake bani daga dalibai har malamai ganin me uniform ke dawainiya dani.
Su kam har sun fara dana sanin shiga make uo classes din da suka yi suka ce dama sun bari sai anyi final exams tunda su ba amare bane.
Momy da mamah suka ce basu isa ba ai gulmar da yasa suka ce sai sun shiga toh sai sun karasa.
Ana saura sati mu fara jarabawa mama tace min ya rid zai dawo tuni naji kaman in gudu wani abin mamaki kuma da al amarina sai na tsinci kaina da son ganin shi.
Lallai bani da hankali ganinshi na dai dai da gani bacin raina dan tabbas na san watan cin ubana ya kama.
BANI NAYI KAINA BA
By Sawwama A.
Page 11.
Ranan da zai dawo wayan mama ya kira yace ta bani dan bai taba kirana ba asalima bai da number na.
Cikin faduwar gaba na amshi wayan mama ta fita.
Sallama nayi cikin sanyina amin kawai yace sannan yace ke kina jina na san kin sami labarin zan dawo yau toh ki fara shiryawa kanki dan kam tabbas kin san ba zan miki da sauki yanda kika sa aka rabani da farin ciki da kwanciyar hankalina toh kema haka zan miki koma fiye da haka.
Tuni hawaye suka cika min ido ina kokarin mai da su.
Kina ji ko nace uhmmm yace good yanzu ina so kiyi min fried noodles,salad sai tuwon alkama da oha soup sai zobo and any other home made drink ki min shirme wallahi ki gani.
Da sauri cikin rawar murya nace yah ban iya oha soup din ba.
Cikin tsawa yace i dont bloody care kawai in ganshi in na dawo sannan a gyara min part dinna ko jikin mutum ya fada mishi ya katse wayar.
Rike wayar nayi kawai a kunnena ina tunanin wannan masifan da nake shirin shiga Allah ka shiga tsakanina da bawankan nan.
Karan ringing din wayan dake kunnena ya ankarar dani da sauri na fita na kaiwa mama sannan na wuce dakinmu ina tunanin ta inda zan fara.
Halima kadai na samu a dakin tana kan system zama nayi a gefen gadona na zuba uban tagumi.
Halima ta dan juyo ta kalleni tace ke kuma fa irin wannan uban tagumi ki cigaba da sa abu a ranki kina yar karamarki da ke sai wata cuta ta kamaki shi yah rid ba asara ne da shi ba tunda ba sonki yake ba mu dai masoyanki za a bari da matsala.
Hmmmmm kawai nace har zata juya ta cigaba da abinda take yi dan ta san zurfin cikina in ban yi niyyar fadan abu ba duk nacin mutum sai dai ya kyaleni.
Nace kiji yah wai wani oha soup zan mishi ni kuma ban taba ba asali ma ban san miyan ba.
Jarfa meye kuma wani oha soup yah rid fa ba shi da dama tsakani da Allah muna kano ba kudu ba ina zamu san wani oha soup.
Ko miyan wani yare ne sai Allah duk shiru muka yi muna nazarin ta inda zamu fara.
Halima tace yauwa yammata Allah ya taimakemu we are in the 21 century where technology exist.
Na mata kallon tambaya kafin kwakwalwata ta tafi inda nata yaje da sauri na tashi na rungumeta.
Tace toh ta ina zamu fara sunan miyan zamu sa ko kuwa.
Nace ah ah mu fara da saka yoruba tribal soup mu gani nan muka typing sai gasu sun jero mana su ewedu soup,gbiri soup da sauransu amma ba oha soup.
Muka koma muka typing igbo soup nan fa muka fara cin karo da su banga soup atama soup vegetable soup ogbono soup sai ga oha soup ai nan muka sa ihu.
Halima ta copying yanda ake yi ni kuma na fara shirin zuwa kasuwa har na shirya na karbi list din ingrediant din nacewa Halima yana ga kina zaune ki tashi mu tafi mana.
Tace ke nifa tsoron shiga motan nan nake nace hmm ai baki kaini ba amma haka nake shiga dan banda yanda na iya dan Allah tashi muje.
Ta tashi ta karyar da wuya tayi kalan tausayi wai toh yana iya abin ma abin dariya aiko muka yi dariyarmu.
Munje kasuwa mun sai duk abinda muke buqata nan da nan halima har da yusra ma suka tayani muka hada mishi abincin da juices dinshi su ka kuma tayani muka gyara side dinshi.
Muna dawowa dakinmu suka turani bathroom wai in yi wanka bayan na fito ne ina zaune ina shafa mai.
Yusra tace yasin ni ban yarda yah rid da zakiyya basa son auran nan ba ji tun kafin ayi auran suka koma mata da miji kwana ne kawai basa yi tare amma duk wani hidimanta shine.
Haka itama duk wani hidimanshi itace yanzu ki duba sai kace wanda mijinta zai dawo an mishi girke girke an gyara gida anzo anyi wanka za a cancada ado ta karasa fadan haka cikin zolaya.
Ai ko na hade rai nace wallahi ba kwalliyan da zanyi ya samu daman ce min aljan da kyau.
Hakuri suka bani ai fir naki yin kwalliya kayana kawai na saka doguwar rigace budada dan momy tace bai kamata in dinga sa abu da zai matseni ba saboda budaden hips dina saboda maza ne a gidan kuma ba muharramaina ba
Sai ya kasance yawancin kayana open gown ne sai ko buba nayi sallahn la'asar muka fito babban palo inda muka sami mama da momy zaune suna hira.
Momy ce tace ah ah zakiyya ya ban ganki da kwalliya ba duk irin zuwa make up classes din nan da kuke yi.
Carab yusra tace wallahi momy ba yanda ba muyi da ita tayi kwaliya ba taki.
Momy tace maxa ki wuce kije kiyi kwalliya haba na mene.
Haka na koma nayi light make up duk da haka sai da nayi ziza.
Muna nan zaune a palon ya iso gaba na sai dukan tara tara yake gaishe da su mama yayi sannan muma muka gaisheshi ya amsa yana shan kamshi.
Sai ya kara min kyau bakin kwayan idonshi har wani walkiya yake yi fuskan nan tas ba ko gashi.
Hmmm shima yah rid din nan mai kyau ne fa yake zagin mutum dan dai kawai shi ba fari bane.
Hararata yayi kasa kasa ganin na kure shi da ido yayi kwafa a hankali.
Mama tace kai kuka kai da wa kak kwafa ya dan shafa kai yana murmushi yace mantuwa nake tunanin nayi.
Momy tace ayya yanzu dai kaje ka samu ka huta ai ka sha hanya kai dai da son tuki kake maimakon ka biyo flight.
Mama tace son wahala dai da son kudi kin san sojoji da mako kuwa.
Duk muka yi dariya har da shima ya tashi ya nufi side dinshi.
Yana shiga ya lumshe ido cikin jin dadin kamshin turare da na abincin da aka shirya mishi akan dining.
Wanka yayi ya zauna yana cin abincin yana mamakin yanda miyar ta dau zaki bayan tace ba ta iya ba.
Shegiyar yarinya ba laifi akwai tsabta da iya girki ko dan wannan ma zai aureta tana gyara mishi gida da yi mishi girki.
In ya auro shuraihat kuma sai ya baje kolin soyayyarsa da ita aljana kuma ta zama maid dinsu dan ya tabbata shuraiha ko coffee bata iya dafawa ba.
Ni kam bayan nayi sallan magrib ne ina zaune ina lazimi yah musty ya shigo yace inje yah rid na kirana.
Tuni jikina ya fara zikiri adduan dai da na saba ita na kama a bakina na nufi side din ina nanata la'ila ha'illah anta subhanaka inni kuntum minal zalimin............
SAWWAMA QAWWAMA
BANI NAYI KAINA BA
By Sawwama A.
Page 12.
HAMEEDAN HAMMA BAN IYA SUNANKI NA GAYU BA WANNAN SHAFIN NAKI NE KE KADAI KINA KOKARI KINA FARKAR DA MATA ALLAH YA BAR KAUNA DA FAHIMTAN JUNA TSAKANINKI DA HAMMANKI AMEEN.
***** ****** ******
Sallama nayi a hankali na tura kofar kaman wata mara gaskiya.
Tsaye na sameshi a tsakiyan palon hannunshi da cikin aljuhu dayan kuma rike da sigari.
Damnm gabana ya fadi jin warin abin da nafi tsana dauke tsayawa nayi a bakin kofan ina dan dauke numfashi amma duk da haka ina jin warin.
Ke dan ubanki nan zaki tsaya ko ni kike nufin inzo inda kike?
Da sauri na karasa na rufe hancina cikin dabara da hijab din jikina naje na zube a gabanshi nace barka da yamma yah.
Bai amsa ba sai cewa yayi uban me kike toshewa hanci?
Da sauri nace ba komi.
Ya kalleni kaman bai yarda ba sai yace toh bude hancin ko inci ubanki.
Da sauri na sauke hannuna Allah ya taimakeni zuka daya ya karayi wa tabanya kashe a ash tray.
Sannan ya kalleni yace shegiya ke bakya kallon kanki a mirror ne?
Nace ina kallo......
Toh meye na kara wani kwalliya banda shegen kyaun da kike da shi yarinya kaman aljana, Allah daga yau na kara ganin shegen fuskankin nan kaman na mayu da kwalliya sai na watsawa fuskar acid.
Uban me kike kallona da mayun idonkin nan kaman magnet haka dazu kika wani tsareni da shegun idanunki sai na kwakulesu ya fada yana rankwashi na.
Na dafe kaina ina zubar da kwalla kuma uban me kike yi da kudi naga kina cire kudi ba kakkautawa.
Tsuru tsuru nayi na rasa me zance.
Ba dake nake ba?
Mama ce fa take sani ina cirewa ina sayan kayan kwalliya.
Kayan kwalliyan ne aka cire mishi more than hundred thousands?
Nace ah ah an min register din make up classes an kuma sai min make up kit da kuma su cosmetic din amfanina.
Kan uba wai ke nake zuwa nemanwa kudin ne da za a barnatar min da kudi a banza,wallahi sai kij biyani a sannu.
Gabana ya fadi ni dame zan biyashi kaji shi sai wani ta da jijiyoyin wuya yake dama mama tace soja akwai mako.
Kuma gobe da safe ki min kunun gyada da kosai.
Dan zaro ido nayi nace yah.....
Pap ya buge min baki yace ni kike zarowa ido kaman zaki hadiyeni da shegun idanunkin nan.
Nace ah ah fa yah gobe muna da school kuma da sassafe muke tafiya bama dawo sai 4 ga islamiya.
Oho i dont bloody care gobe ni dai inga break fast kuma lunch kawai zan daga miki kafa amma dinner kam ba abin da ya dameni da gajiyanki ke da dare ma sinasir zanci.
Na bude baki zan yi magana yace kut wai ke yaushe na dawo sa'anki ne ina magana kina yi lallai kina so inci ubanki.
Wallahi kar ki bace min da shegen fuskan nan naki kaman na aljanu a nan ki ga in ban babbalaki ba.
Da gudu na bar dakin,a daren na wanke wake na ajiye ana sallan asuba na hau aikin break fast dinshi.
Allah ya taimakeni na gama da wuri har na shirya yusra tace wannan ai daukan hakkine ki gayawa mama wallahi.
Nace barshi shi da Allahn shi yanzu in na gayawa mama sai wani abin ya billo kyalleshi ni kam.
Haka da muka dawo sallah kawai muka yi na jika shinkafa na gayawa momy ta bada akai markade kafin in dawo tace zakiyya irin wannan wahala ki bari yaci abinci da kowa yake ci mana haba in ba zai ci wannan ba ki bari ladi ta mishi kafin ki dawo nace momy ba komi.
Ko da ya dawo momy tace mishi yace in bar wahalan da nake yi haka ga karatu ga dawainiyarsa.
Momy wallahi ba yanda ban yi da ita ta bari ba wai ah ah ita dai in barta wai lada ai take samu gwara ta saba tun yanzu.
Momy ta rike baki tace oh yaran zamani ita zakiyyan ma da ake ganin kunyan ta kenan.
Muna dawowa make up school na shiga ina tausayin kaina ban gama girkin ba sai past nine.
Ai ko na sha masifa da su rankwashi yace kuma in gyara mishi side din da daren ya fita ya barni.
Ban gama ba sai kusan goma da rabi a gajiye na shiga cikin gida ina tausayawa kaina.
Haka yah rid ya dinga wahalar dani saukinta ana fara jarabawa na dan samu sauki saboda ba sammako kuma wani sa'in ba mu da paper sai karatuna da ya nema shigawa hakki.
Haka ya gama hutunshi muna tsaka da exams ya tafi nan na samu sa'ida.
NIMA INA GA ZAN HUTA.

💖BANI NAYI KAINA BA💖

By Sawwama A.

Page 13.

TAQABAL MINNA WA MIN KUM.

RUQAYYA ZUMA, AUNTY HALEE, MAMAN USUF, MAMAN GIMBIYA AND MOM ILHAM KAR KU WANI TAMBAYENI GORAN SALLAH WANNAN SHAFIN SERVES AS UR GORAN SALLAH ALLAH YA MAIMAITA MANA.

******** ****** *****
Bayan mun kammala paper din mu na karshe a waec ne abba yace in shirya zan tafi hwol hutun tsakanin WAEC da NECO.

Tare da su yusra muka je nan aka sa nayi ta zaga dangi dan daga wannan zuwan baran kara zuwa ba sai aurena.

Har Bauchi sai da muka je sosai muka ji dadin tafiya ana saura kwana uku mu fara NECO muka dawo.

Sai da zamu dawo ne dada ta zaunar da ni ta min nasiha mai ratsa jiki sosai.

Ta nunar min da shi zaman aura dan hakuri ne duk zafin soyayyan da kuke yiwa juna sai kun yi haquri da juna zaku mori zaman ku.

Nayi matuqar farin ciki da nasihun dada na daura dammaran ko min rintsi zan zauna da yah rid in mishi biyayya ko domin in farantawa iyayyanmu dan naga ba karamin daukaka auranmu suka yi ba.

Mun dawo kano cike da kewa su Halima suna kewan yanayin garinmu da rayuwan kauye tare da mutuniyarsu salma.

Nawa bangaren kuma ina cike da kewa da alhini rashin ahalina a kusa dani.

Yusra kam na lura wani abu na so ya kullu tsakaninta da yah auwal dan shima yazo weekend ya samemu.

Tafiyan dadi muka yi kasancewan driver na ne yazo ya daukemu😜

Mun iso garin kano da wuri kowa sai murnan zuwanmu yake ba kaman mama dan ita ko kadan bata surkunta dani.

Mun fara exams gadan gadan Allah ya taimakeni ko sau daya yah rid bai zo ba dan dama ya kan dade bai zo ba.

Muna gama exams aka shiga shirye shiryen biki bridal shower muka fara yi in da na saka blue gown,ban sa goggoro ba.

Sai aka gyara min gashina ya zuba ta gefen fuskana aka yafa min wani yalolon yellow gyale.

Su yusra da sauran kawayenmu na sch kuma suka saka blue jeans da yellow din polo shirt.

Raguna biyu da kaji goma aka bankare mana sai su Drinks na yanka cake kasancewan mata kadai muka yi abin mu.

Da next day kuma akayi kamu washegari ranan laraba muka dai hanya tare da masu kai akwati zuwa hwol.

Ran alhamis muka yi fulani day da yan kauyenmu da kawayeemu da suka biyomu..

A daji muka yi sosai ya kayatar dan duk a cikin events din da muka yi yafi dadi.

Anyi chedde(rawan fulani) anyi dai shagali muka watse washegari friday dumbin jama'a suka zo suka sheda daurin auranmu.

A ranan ne kuma aka tafi dani kano inda aka cigaba da shagalgula sai a ranan na sa yah rid a idona da daddare da ya shigo dakin momy dan nan aka saukeni sai an gama biki akaini gidana.

Hade rai yayi dan baiyi tsamanin muna dakin ba ya juya ya fita.

Yayi kyau yayi haske,kasa dauke idona nayi akanshi har ya fita, zungurina Halima tayi tace dallah can meye na kallonshi sai ya rainaki ashe farida na jinmu tace eh mana kar ki nutsu ki kama kanki sai ya dinga dizgaki a cikin mutane irin su fadila su sami daman ci miki fuska.

Na sauke ajiyan zuciya nace Allah ya sa in iya daurewa dan ni kaina bam san me zuciyata ke shirin dauko min ba,zuciyata na son kaini inda yafi karfina.

Ba abinda yafi karfin Allah just keep on praying cewan fareeda.

Washegari parade akayi da yamma hade da dinner ya hade fuskar shi tamau sai ya kara kyau da kwarjini.

Abin ya kayatar gwanin kyau fulaninmu sai tsorata suke idan aka harba bindiga🤣🤣🤣

A Daren ranan aka sada ni da gidana ba wanda ya kwana na sha kuka har na gode Allah.

A haka har bacci ya daukeni ba duriyar ango daman ban saka aka ba inji mai satar hula.

Na sani sashin da nake ba zai kalla ba. Da na tashi wankana nayi na yi kwalliyata mai kyau na fito a amarya ta.

Wajen goma su yusra suka kawo mana break fast ko minti sha biyar ba su yi ba duk yanda na so su zauna sam suka ki.

Abinci naci na koma dakina ina zaune bakin gado ina karewa akwatina guda bakwai da suke jere kallo ina tunanin ta inda zan fara saukewa in kalli kayan dan na san ba karamin nauyine dasu ba.

Dan bana manta ranan da mamah ta tisashi a gaba ya bawa aunty rabi kudin lefen.

Tana zaune a gabanta yayiwa aunty rabi transfer 1.7 million a hado yana ta kunkuno tace taji kuma ya bada dubu dari uku kudin fitar biki.

Sai da yayi ta million biyu dai ranan.

Burum naji an shigo min daki a fusace yana sanye da 3 kwata da vest na kamu ya hada fuskan nan tamau.

Tsaye na mike sai kuma na zube kasa ina gaishe shi.

Malama ba wannan ya kawoni ba tashi zaki yi ki min break uban wa kika ajiye da zai min abin karyawa?

Cikin rawa murya nace yah an kawo abinci daga cikin gida.

Ko a gidan abincin uban wa nake ci oh kina ce kinzo zaman hutu ne to bari kiji ba aiki daya da na dauke miki acikin ayukan da kike min da sai ma wanda ya karu..

Shegiya ji yanda take wani piki piki da shegun mayun idontan nan toh kurwata kur mayya kawai kin tashi kinje kin sama min abin da zanci ne ko kuwa.

Da gudu na fita daga dakin na shiga kitchen na soya mishi dankali da plantain da kwai.

A palour na sameshi yana kallon ball naje na dan tsuguna nesa kadan nace yah na shirya table din sai da ya gama shan kamshin shi ya juya yace min and so? Get out of my sight my frnd.

Cikin rawar jiki na mike har na kai kofan passage yace ke zo nan me ma kika dafa min.

Na juyo cikin faduwar gaba nace chips and plantain.

Bashi nake da ra'ayin ci ba kije ki dafa min indomie da kayan lambu sai boiled eggs.

Nace toh na nufi kitchen din ina tsaka da aikin ya kwala min kira na ajiye naje.

Ki saka min serdine sannan ki dama min oat nace toh na koma ina aikin ina tunanin irin rayuwan da zanyi da bawan Allahn nan.

Naci alwashin zan mishi duk wani irin bauta da zai sa ni tunda dai na san ibada nake yi.

Ai kuwa yah rid made sure he made my life miserable dan cikin kwanankin nan kullum sai an kawo mana abinci daga gida amma hakan baya hanawa yah ridwan ya saka ni dafa mishi abinci kala kala.

Kuma ya hana kowa zuwa wajena ranan da muka yi kwana shida yah samir da yah ibrahim suka zo.

Ina kitchen ina girki naji yah ridwan na fada musu irin fushin da shraihat tayi.

Yah sameer yace toh sai me ka kyaleta kawai.

Hararanshi yayi yace in kyaleta fa kace toh wallahi ba don kar su abba su ci min mutunci ba da na tsufa a Europe amma gobe karfe 4 ne flight dina

A tare suka cewa zuwa Europe din?

Ya hada rai yace eh ai gwara inje in rarasheta ta san ni ba wai son auran nake ba me zanyi da wancan aljanar yarinyan.

Yah Ibrahim yace Allah ya kyauta amin.

Haka kawai na tsinci kaina da yin hawaye wannan wani irin wulakanci ne.

SAWWAMA QAWWAMA

💖BANI NAYI KAINA BA💖

By Sawwama A.

Page 14.

TAQABAL MINNA WA MINKUM.

GORON SALLAH

THIS PAGE IS HIGHLY DEDICATED TO U MY LOVELY FANS ALLAH YA BAR KAUNA

Dogon numfashi na ajiye lokacin da na dawo daga dogon tunanina.

Na yankewa kaina ko yah rid ya dawo na gama shiga harkarshi ai BANI NAYI KAINA BA da zai sani a gaba.

Allahn da yayi ni shi yaso ya ganni haka.

Ban kuma san yana son wata shuraiha ha sai naga ya dawo gidan nan tare da ita a matsayin matarsa.

***********

Karan sigari ne a hannun shi yana zagaye dakin shi na sovi barrack da yake garin ilori.

Yau kwanan shi uku da dawowa image din abin da ya gani ya kasa barin kwakwalwanshi.

Wani zuka yayiwa sigarin sai da ya kare tas ya kashe a ash tray tare da kara kunna wani.

Runtse ido yayi ya kuma budewa da sauri dan da ya rufe ido babu wanda yake gani sai shuraiha akan wani katon bature tana riding dinshi.

Yayi kwana da yini a jirgi zuwa Europe dan ya ganta amma me da yaje sai idon shi ya mishi mugun gani.

Lokacin da isa Europe har ya dau waya zai kirata ya ga zai ruining surprise din gwara ya karasa kawai.

Apartment dinta ya nufa ya hau lifter zuwa samanta.

Har ya daura hannu ya knocking kofan sau daya ba a ansa ba har zai kuma sai ya tuna inda take ajiye spare key dinta.

Tuni ya lalubo ya bude tun daga sa kafanshi a palon ihun nishinsu da surutansu ya sanar da shi abin da ake aikatawa.

Zuciyarshi taki yardan mishi wai shuraihan shi ke aikata masha'a the innocent shuraihat he knew.

Cikin bedroom din ya nufa inda ya tarar da shuraiha na sukuwa akan bature tana surutan dadi na dirty talk.

Shi kuma saurayin nata yana rike mazaunanta yana fadin come on baby ride the shit out of me come on oh yeahhhhh🙊🙈

Bai san lokacin da ya kwala kiran sunanta ba a firgice ta dirka akan baturen tana zazzare ido.

Gadan gadan ya nufeta har ya sa hannu zai shako wuyanta sai ya fasa yayi wani shegen murmushi.

You what alhamdulillah na godewa Allah da ban debi sauran turawa na kai gidana ba.

Wallahi ban kasance mazinaci ba na sani Allah ba zai hadani da mazinaciya ba.

Ba abinda zan miki kije Allah kika yiwa laifi bani ba dan dai da da aurena na kamaki haka wallahil azim ba abinda zai hanani bindigeku.

Ki manta kin taba sanin wani Ridwan a rayuwar,ina nan ina kokarin Ganin na mallakeki ashe ke kina nan kina mallakawa wasu jikinki toh ba dani ba.

Ya juyo ya fita ya barta kaman an dasata a wajen.

Kwananshi biyu a garin ya kamo hanya ya dawo direct wajen aiki ya wuce.

Shi kam sha'anin mata ya tsorata shi shuraihat kenan da ba wani kyaun kirki ne da ita ba tana bin maza.

Ina ga wancan aljanar yarinya na tabbata ko bata bisu ba su zasu bita.

Da kuwa na ci ubansu ya fada a fili.

Shi yanzu ya zai ne ma lokaci kara tafiya yake buqatata kara qaruwa yake.

Shuraihat din da nake tunanin zan aura ko bata tare ba zan dinga sauke buqatata akanta ga yanda ya kasance.

Wata zuciyar tace mishi ba ga mata an aura maka ba.

No no no no haba ta ina zan fara tunkarar aljanar nan da buqatata salon ta rainani.

Hade giranshi yayi yana tunanin mafita.

Fans sai ku sama mishi mafita😝😜

💖BANI NAYI KAINA BA💖

By Sawwama A.

Page 15.

Yau kam na tashi zuciyata wasai saboda na riki al Qur'ani da sallahn dare harkokina kawai nake yi har wata yar kiba nayi.

Yau su yusra ne suka zo min yini aiko munsha hira sai sakalcinmu muke yi.

Mu dafa wannan mu kwaba wancan mu jika wancan mu dai sha'anin mu kawai muke yi ba mai kwaban mu.

Fareeda ce tana kwaba iloka tace kai gidan kai akwai dadi anya nima ba auran nan zanyi ba.

Duk muka sa dariya Halima tace kayi son ranka ba mai hanaka in ka dama ka kwana da yunwa ba ruwan wani.

Mussaman ma in mijin matafiyi ne irin su yah rid,ai ba karamin haushin hanamu tayaki kwana da yah rid da momy suka yi ba ta fadi hakan tana kallona.

Farida tace toh ai sanin halinmu in mun hadu ya sa aka hanamu.

Yusra tace yau kuma sai mun fanshe ba muka sa dariya ni dai binsu kawai nake da ido ina murmushi dan wani dadi nake ji ina tare da yan uwana.

Karan bude gate da shigowan motoci muka ji dukkanmu zaro ido muka yi a tare muka furta Allah yasa ba yah Rid bane..

Da gudu muka nufi window din palo ai kuwa shine da sojoji sun kai takwas.

Da sauri muka fara tattare palon muna jera pillows din kujerun sai dibi dibi muke yi.

Murda kofan da akayi aka shigo ne ya samu tsayawa da abinda muke yi.

Duk munyi cirko cirko da kaganmu ka ga rashin gaskiya.

Kallon mu yayi daya bayan daya ya hade rai ya kalli yusra yace ku dan ubanku bana ce kar kuzo min gida ba uwar kuka zo yi??

Duk muka yi tsuru tsuru dan ubanku ba da ku nake yi ba ya daka mana wani uban tsawa.

Da sauri Halima tace mamah ce fa tace muzo mu duba zakiyya ya take.

Da kuka zo kunga an yanyankata? Shegu munafukai kawai.

Ke kuma.mayya uwar me kika gaya musu ya juyo kaina yana tambayata.

Cikin in ina da rawar murya kaina na kasa nace ba komi.

Yace atoh dan ni dai iya sanina ba abinda na miki a gidan nan in ma suna tunanin yanka ki nake yi.

Ni ba a zo dubani ko ba da aka hadani da aljana sai ke yahi kwafa ya wuce daki.

Muna cikin sauke ajiyan zuciya ya kwala min kira abin dariya duk sai muka firgice.

Da sauri na isa dakinshi ina adduan Allah yasa ba wani abu ya gani ba dai dai ba dan ko da safen nan na karkade dakin.

Ina shiga ya wurga min harara kasa kasa naji yace mayya kawai gyaran murya yayi yace malama abinci zaki dafa min yanzu.

Sannan ki dafa na kimanin mutun goma kuma dan tare nake da mutane.

Nace toh har na tashi zan fita yace zo nan na sallameki ne rankwashi ya kafa min me shegen zafi.

Yace nace miki na gama ne ko na gaya miki abincin da zaki dafa min.

Nayi shiru idona na kawo ruwa.

Yarinya ai baki yi hawaye ba tunda kika sake kika auri Ridwan.

Ni tuwon alkama zaki min su kuma sauran sakwara kina jina SAKWARA nace ya fadi haka yana zare ido shi kanshi ya san ya hada ni da aiki.

Nace toh sannan ya sallameni na fita a kitchen na sami su farida suna tattare shirmenmu.

Ni wallahi har na manta wai sunzo da sauri suka karaso wurina.

Halima ce ta cire hannuna dake bisa kaina dan har lokacin ina dafe da inda ya rankwasheni.

Yusra tace hala ya rankwasheki? Hawayena ne suka basu ansa.

Lallashina suka yi sannan na basu labarin yanda muka yi.

Kut yah kasheki yake so yayi ya tsufar dake da wuri wadancan kartin yake so ya saki yi musu girki da dare ya mukurkusheki da rana ya saki bauta tab.
Cewar yusra

Hararenta nayi nace ya mukurkushe wa?

Dukkansu suka dauka laaaaaahhhh haba biri yayi kama da mutum.

Ni dai ban ce musu komi na fara aikina su ma suka hannu nan da nan muka gama sakwaran ma na leda muka tuka suka tayani muka gyara gidan tsaf.

Dakina muka shiga muka zube a gado farida ce ta dan dago tace zakiyya kin san me duk abin da yah Rid yake miki kina da laifi.

Tashi nayi zaune ina kallonta da mamaki laifin me kuwa?

Tace good tana mikewa zaune suma sauran suka mike dan sun san halinta akwai lecture

Laifinki shine baki dauki shawara ko daya da muka baki ba na tabbata kin cigaba da yawo a cikin hijabi kaman yanda kika saba.

Ina ji su auntu shema da aunty rabi suka baki shawarwari bana jin kinyi amfani da ko daya.

Ke bari kiji so nake ki fighting abu biyu ki kwato yancinki a cikin gidan nan su abba basu muku aure danku rabu wata rana ba.

So kiyi kokarin dai daita gidan auranki.

Numfashi na sauke na ce me zan fighting hajiya farida murmushi tayi tana karkada ido.

Halima ta daka mata duka tace shegiya uwar mata zata fara manyancen.

Hmmm so nake ki fighting TSORO da KUNYA bance ki zama mara kunya ba kunya ai ado ne akwai inda zai miki amfani amma ba yanzu ba.

Na san ba yanda za ayi tashi daya ki cire tsoron yahRid a ranki nuna mishi kawai zaki yi ba tsoron amma bai san yana nan cike pal a ranki ba.

Kunya kuma ajiyeshi zaki yi ki daina yawo da hijabi ko manyan kaya a gidanki ga dinkuna an miki fitinannu ga uban english wears da aunty rabi ta jibga miki.

Rikitashi da halittun da Allah ya miki yake kushewa show him what he is missing out ki dinga fishar hankalinshi ki kuma dinga nunawa kaman ba danshi kika yi ba kina yi ne on ur own.

Daura towel dai dai cinya ki fito wanka ki nufi kitchen a guje kaman kin daura abu kina tsoron kar ya kone in kin tabbatar yana palo.

Saka riga mai budadden kirji kije bashi ruwa ko wani abu..........

Haka suka hadu suka ta ban shawara suka sassaka ni groups na whatsapp.

Suna shirin tafiya ya leko dakin ya korashi wai sun cika mishi kunne da hayaniya shi hutu yazo ba jin hayaniyarsu ba.

Ajiyan zuciya na sauke tare da kudurta niyyan zanyi amfani da shawarwarin da suka bani in gani.

SAWWAMA QAWWAMA😘

💖BANI NAYI KAINA BA💖

By Sawwama A.

Page 16

Bayan tafiyansu farida yah Rid ya kirani ya fada min ga nan sojoji ya kawo biyu zasuyi gadin gate in zan fita zan fita da biyu sannan biyu masu tsabtace compound din gidan da zuwa aika.

Shi duk a tashi hikimar in ya kewayeni da yaranshi bazan bi maza ba ya manta yaran nashi maza ne yazo ya cika gida da maza a hikimarsa ta hana yaduwar zina bai san in mazinaciyarce ba a cikin yaranshi ma sai ta ci amanarsa.

Washegari da safe bayan na gama gyare gyare na da girke girke dan yace har suma ni zan dinga musu girki dan bakin mugunta.

Na fito wanka ina daure da towel ya banko kofar ya shigo naga alaman rashin sallama a inda nake al adarsa ce dan baya sona da zaman lafiya balle ya nema min.

Dan kura min ido yayi sai kuma ya kau da kai yana hadiye yawu😜 na gane hakan ne ganin yanda Adams apple dinshi ke sama yana kasa.

Dakewa yayi ya min magana cikin sarkewan murya duk yanda ya so ya kaurara murya abin ya faskara muryarshi sai da ta nuna halin da yake ciki.

Ki shirya zamuje cikin gida abinda ya furta kenan yayi hanyan waje karo na farko kenan da ya min magana ba da tsawa muna mu biyun mu.

Da gangan nayi kaman santsin tiles zai ka dani na dan sake towel dina yayi kasa na tallafe rabin nonona suka bayyana

Wayyo shine abinda na furta a kidime, da sauri ya juyo a lokacin na dafe dressing mirror gesture din da nayi ya sa towel din kaina kuncewa gashina ya zubo ya rufe idona.

Rintse ido yayi tare da dan kama gabanshi saboda yanda yaji ya harba tashi daya.

Cikin sassarfa ya bar dakin tun kafin zuciyarshi ta sashi aikata abinda zai zo yaji kunya.

Bai taba tunanin yarinyan ta mallaki diri haka ba dan shi yawancin lokuta a cikin zumbula zumbulan riguna yake ganinta ga shegen sa hijab.

Shegiyar yarinya ga kyan fuska ga na jiki a fili ya furta ALJANA kawai wallahi bazan bari ta rikita min lisafi ba.

Duk laifinane da ban knocking kofan ba kafin in shiga da ban ga abinda zai dameni ba.

Haka ya ta sambatunshi shi kadai yana shiryawa, manyan kaya ya saka light blue shada anyi mata karamin dinki ya dauko navy blue din hula ya kafa tare da sa navy blue din takalmi ya daura agogon fata shima navy blue sosai yayi kyau ya haska abinshi.

Yana fitowa ya sameni a zaune a palo ina jiranshi dan ko sukunin yin breakfast ban samu ba saboda doki.

Kura min ido yayi a zuciyarshi yake fadin wai wannan wata irin aljanar yarinya ne wai bata san tana da kyau bane zata wani sha wannan adon.

Sanye take da jan gown yar dubai me fararen stones a jere a gaban rigar da hannun rigar sai ta rollong farin veil ta saka farin heel ga jakarta fara.

Kun san jan abu da daukan ido balle an hadashi da fari kuma a jikin farar mace ai ba a magana ga fuskarta ta sha light make up.

Ajiyan zuciya ya sauke ya nufi table ya zauna da sauri na karasa na serving mishi abinci na hada mishi tea.

Na koma palo na zauna yana daga dining area yana cin abinci idonshi na kaina.

Tsakuran abincin yake duk dadinshi amma zuciyarsa daci take mishi dan ya san duk inda suka gifta sai an kuma kallonta.

Tsaki ya dan ja zuciyarshi na mishi zafi shi yasa fa shi baya son mace mai kyau dan Allah ya gani yana da tsananin kishi.

Wani tsakin ya kuma ja a ranshi yace toh ai ita wannan ba sonta nake ba balle inyi kishinta kawai ona kishin aurane dake kanta ne.

Ke jeki kiyi shigar da kika saba baki da aure ma hijab kike sakawa balle yanzu da aurena dan kin rainani ko kin tashi ko yaya.

Ina zumbure zumbure na mike nayi hanyan danki
Kut ni kike turawa baki da sauri na girgiza kai.

Kwafa yayi yace kar ki wuce wallahi kika bata min lokaci tafiya zanyi abuna.

Da sauri na shige naje na saka riga da skirt din atamfa na daura hijab dai dai guiwa a kai.

Da na fito kallona yayi ya kau da kai yace shegiya ko ya tayi sai tayi kyau.

Dan zaro idona nayi dan naji abin da yace sai ma ya ban dariya.

Ko da muka je bakin mota tsayuwa nayi dan ban san ina zan shiga ba ko bayan da ya saba sani in shiga zan shiga ko yaya oho.

Ganin ya shige yayi shiru ni yake jira ya sa na bude bayan motar da sauri na shige kar in sha rankwashi da safen nN

Kutuman uba waye driver dinki kara zaro ido nayi ina mamakin halin yah Rid din nan da sauri na fito na shiga gaba.

Kamshin motan ya sani lumshe ido a haka muka fita daga gidan idona a lumshe dan kallona yayi yaga idona a lumshe.

Wani haushin kanshi yaji shegiyar yarinya komai tayi kyau yake mata kwafan da yayi ne ya sani bude ido.

Mun hau titi sosai tuki yake cikin kwarewa da burgewa sosai ya tafi da hankalina dan ya min kyau sosai bai cika sa native ba.

Na shagala da kallonshi ina jin komai zan yi dan in juyo da hankalinahi kaina zanyi dan ina jinshi har cikin jinina.

Sosai na shagala da kallonshi shi kuma yana can yana kallon yan waje da suke kalle mishi mata.

Haushi yaji da bai dau mota mai duhun glass ba ai ya san maganin yan iska mai kallon matan mutane in dai zasu fita soja zai jasu su zauna a baya yaga ta inda zasu kalleta😂